వింత ఆచారం.. ముళ్ల కంపపై దొర్లుతూ సోదరికి వీడ్కోలు

దేశంలోని వివిధ ప్రాంతాల్లో ఇప్పటికీ వింత ఆచారాలు ఉన్నాయి. అలాంటివి పాటించడం ఏమాత్రం మంచిది కాదని తెలిసినా.. వాటిని మానడానికి మాత్రం ప్రజలు అంగీకరించరు. ఇలాంటి మూఢ విశ్వాసాలకు మరో ఉదాహరణ మధ్యప్రదేశ్‌లోని బైతూల్‌ జిల్లాలో వెలుగు చూసింది. ఇక్కడ ఓ గ్రామానికి చెందిన కొంతమంది.. ముళ్లకంపపై పడుకుని దొర్లుతున్నారు. సెహరా గ్రామంలోని రజ్జడ్‌ తెగ ప్రజలు తాము పాండవుల వారసులమని చెబుతుంటారు. పురాణాల్లో పాండవులు తమ సత్యనిష్ఠను నిరూపించుకునేందుకు ముళ్ల కంపపై దొర్లారని.. అదే తరహాలో ఇప్పుడు తామూ ఆ ఆచారాన్ని పాటిస్తున్నామని అంటున్నారు. ఏటా అగ్‌హన్‌ మాసంలో ముళ్ల కంపపై రజ్జడ్‌ తెగ ప్రజలు దొర్లుతూ ఉంటారు. ఇలా చేయడం వల్ల దేవుడు సంతోషించి, తమ కోరికలు నెరవేరుస్తాడనేది వారి నమ్మకం. ముళ్లపై దొర్లిన అనంతరం తమ సోదరిని అత్తారింటికి సాగనంపుతూ వీడ్కోలు పలుకుతారు.