రూ.5 కోట్లు పలికిన గుర్రం.. అయినా అమ్మేందుకు నో!

నందూర్బర్‌: మహారాష్ట్రలోని నందూర్బర్‌ జిల్లా సారంగ్‌ఖేడ్‌ అశ్వాల మార్కెట్‌ స్థానికంగా ఎంతో ప్రసిద్ధి చెందింది. వేర్వేరు జాతుల గుర్రాలు ఇక్కడ అమ్మకానికి వస్తాయి. నాసిక్‌ నుంచి వచ్చిన రావణ్‌ అనే పేరున్న గుర్రానికి రూ.5 కోట్లు ఇచ్చి కొనేందుకు ఔత్సాహికులు ముందుకు వచ్చినా అమ్మేందుకు దాని యజమాని అసద్‌ సయ్యద్‌ నిరాకరించారు. ఇంకా మంచిధర వస్తుందనే నమ్మకం దానికి కారణం. ఇది మార్వార్‌ జాతికి చెందిన అరుదైన గుర్రం. 68 అంగుళాల ఎత్తు ఉంది. రోజుకు పది లీటర్ల పాలు, కేజీ నెయ్యి, ఐదు గుడ్లు, చిరు ధాన్యాలు, తవుడు, ఎండు ఫలాలు తింటుంది. ఈసారి 4 రోజుల్లోనే 278 గుర్రాలు అమ్ముడుపోయాయి.