బలవంతంగా టీకాలు వేయడం లేదు
దేశంలో ఎక్కడా బలవంతంగా టీకా కార్యక్రమం జరగడం లేదని కేంద్రం సోమవారం సుప్రీం కోర్టుకు తెలిపింది. తప్పనిసరిగా టీకా వేసుకోవాలన్న నిబంధన కూడా లేదని పేర్కొంది. ప్రజల సంక్షేమాన్ని దృష్టిలో
సుప్రీంలో కేంద్రం ప్రమాణపత్రం
దిల్లీ: దేశంలో ఎక్కడా బలవంతంగా టీకా కార్యక్రమం జరగడం లేదని కేంద్రం సోమవారం సుప్రీం కోర్టుకు తెలిపింది. తప్పనిసరిగా టీకా వేసుకోవాలన్న నిబంధన కూడా లేదని పేర్కొంది. ప్రజల సంక్షేమాన్ని దృష్టిలో ఉంచుకొనే ఈ కార్యక్రమాన్ని అమలు చేస్తున్నామని చెప్పింది. వ్యక్తి అనుమతి తీసుకొని, అతనికి కౌన్సెలింగ్ ఇచ్చిన తర్వాతే టీకా వేస్తున్నామని స్పష్టం చేసింది. ఈ మేరకు సర్వోన్నత న్యాయస్థానం ముందు ప్రమాణ పత్రం దాఖలు చేసింది. దివ్యాంగులకు వ్యాక్సినేషన్ కార్యక్రమాన్ని సరళతరం చేయాలని, ఇంటింటికి వెళ్లి టీకాలు వేసే ఏర్పాట్లను ప్రభుత్వం చేయాలని కోరుతూ ఓ స్వచ్ఛంద సంస్థ పిటిషన్ వేసింది. దీనికి కేంద్రం సమాధానం చెబుతూ...స్వచ్ఛందంగా ముందుకు వచ్చిన 23,678 మంది దివ్యాంగులకు ఇప్పటివరకు టీకాలు వేశామని పేర్కొంది.. టీకా ధ్రువపత్రాల విషయంలో వికలాంగులకు మినహాయింపివ్వాలన్న అంశంపైనా కేంద్రం స్పందించింది. ఏ విషయంలో కూడా టీకా ధ్రువపత్రాలు సమర్పణ తప్పనిసరంటూ తాము ఎలాంటి ఆదేశాలు జారీ చేయలేదని తెలిపింది. వ్యాక్సినేషన్కు అర్హత ఉండి గుర్తింపు పత్రం లేనివారికి కూడా తాము టీకాలు వేస్తున్నామని వెల్లడించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
పతి దేవుడికి గుడి కట్టింది!
-
ఐపీఎల్లో భారీ స్కోర్లు అందుకే..: శుభ్మన్ గిల్
-
ఈనాడు.నెట్లో టాప్ 10 వార్తలు @ 9 AM
-
శరీర బరువు తగ్గించే శస్త్రచికిత్సకు వెళ్లి..
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?
-
పులివెందులలోనూ పరదాల వీరుడే.. నేడు సీఎం జగన్ నామినేషన్