ఆ యాప్‌ నిర్వాహకులపై చర్యలు తీసుకోండి

పోలీసులను కోరిన దిల్లీ మహిళా కమిషన్‌

దిల్లీ: క్లబ్‌హౌస్‌ యాప్‌లో ‘ముస్లిం మహిళలపై అసభ్యకరమైన వ్యాఖ్యలు చేసిన కొంతమంది వ్యక్తులపై చర్యలు తీసుకోవాలని దిల్లీ మహిళా కమిషన్‌(డీసీడబ్ల్యూ) పోలీసులకు నోటీసులు జారీ చేసింది. ఆ వీడియోలో ముస్లిం మహిళలు, బాలికల గురించి అవమానకర రీతిలో ప్రస్తావించారని డీసీడబ్ల్యూ తెలిపింది. ఈ కేసును తీవ్రంగా పరిగణించిన కమిషన్‌ ఇందులో ప్రమేయం ఉన్న వ్యక్తులను గుర్తించి వారిపై చర్యలు తీసుకోవాలని పోలీసులను కోరింది. ఎఫ్‌ఐఆర్‌ నమోదు చేసి నిందితులను అరెస్ట్‌ చేయాలని ఆదేశించింది. దీనిపై సమగ్ర నివేదికను సమర్పించేందుకు అయిదు రోజుల గడువు విధించింది.