కరోనా మూడో దశ వ్యాప్తి... వలస కార్మికుల సంక్షేమంపై పిటిషన్‌

విచారణకు చేపట్టే అంశాన్ని పరిశీలిస్తామన్న సీజేఐ

దిల్లీ: ఒమిక్రాన్‌ వేరియంట్‌ కారణంగా ప్రారంభమైన కరోనా మూడో దశ వ్యాప్తిలో వలస కార్మికులకు ఆహారం అందించడం, ఇతర సంక్షేమ చర్యల అమలు కోసం దాఖలైన పిటిషన్‌ను విచారణకు చేపట్టే అంశాన్ని పరిశీలిస్తామని సుప్రీంకోర్టు బుధవారం తెలిపింది. సామాజిక కార్యకర్తలు అంజలి భరద్వాజ్‌, హర్ష్‌ మందర్‌, జగదీప్‌ చోకర్‌ దాఖలుచేసిన ఈ మధ్యంతర పిటిషన్‌పై అత్యవసరంగా విచారణ జరపాలని ఆ ముగ్గురి తరఫు న్యాయవాది ప్రశాంత్‌ భూషణ్‌ విజ్ఞప్తి చేశారు. విచారణ వ్యాజ్యాల జాబితాలో ఈ పిటిషన్‌ను చేర్చడంపై పరిశీలించి నిర్ణయిస్తానని ప్రధాన న్యాయమూర్తి జస్టిస్‌ ఎన్‌.వి.రమణ తెలిపారు.