కల్తీ మద్యం తాగి అయిదుగురి మృతి

హిమాచల్‌ప్రదేశ్‌లో ఘటన

సిమ్లా: హిమాచల్‌ప్రదేశ్‌లోని మండీ జిల్లాలో కల్తీ మద్యం తాగి అయిదుగురు మృతి చెందారు. ఈ ఘటనలో మరో ఇద్దరి పరిస్థితి విషమంగా ఉన్నట్లు పోలీసులు తెలిపారు. సోమవారం సాయంత్రం కొంతమంది వ్యక్తులు కాంగ్రాలోని ఓ కంపెనీ తయారు చేసిన ‘సంత్రా బ్రాండ్‌’ మద్యాన్ని తీసుకున్నారని అధికారులు పేర్కొన్నారు. ఇది తీసుకున్న వారిలో అయిదుగురు మృతి చెందగా.. మరో ఇద్దరు ఆసుపత్రిలో చికిత్స పొందుతున్నారని తెలిపారు. ఈ ఘటనపై నలుగురు సభ్యుల ప్రత్యేక దర్యాప్తు బృందాన్ని ఏర్పాటు చేసినట్లు డీఐజీ మధుసూదన్‌ వెల్లడించారు.