ఆన్‌లైన్‌లో విశ్వవిద్యాలయాల నకిలీ డిగ్రీలు

ముఠా గట్టురట్టు చేసిన పోలీసులు..ఇద్దరు అరెస్టు

ముంబయి: యూనివర్సిటీ గ్రాంట్స్‌ కమిషన్‌ (యూజీసీ) గుర్తింపు పొందిన ప్రైవేట్‌ విశ్వవిద్యాలయాల నకిలీ డిగ్రీలను తయారు చేసి.. వాటిని ఆన్‌లైన్‌లో అమ్ముతున్న ముఠా గుట్టురట్టు చేశారు ముంబయి నేరవిభాగ పోలీసులు. ఈ కేసులో గురువారం ఇద్దరు వ్యక్తులను అరెస్టు చేశారు. సోదాల్లో గుజరాత్‌, మధ్యప్రదేశ్‌, రాజస్థాన్‌, అరుణాచల్‌ ప్రదేశ్‌, మణిపుర్‌, దిల్లీ, హిమాచల్‌, కర్ణాటక, తమిళనాడు, ఉత్తర్‌ప్రదేశ్‌, చత్తీస్‌గఢ్‌లోని ప్రైవేట్‌ విశ్వవిద్యాలయాలకు చెందిన నకిలీ డిగ్రీ ధ్రువపత్రాలను, మార్క్‌ షీట్లను పోలీసులు స్వాధీనం చేసుకున్నారు.