ప్రభుత్వ కార్యాలయాల్లో అంబేడ్కర్‌, భగత్‌సింగ్‌ల చిత్రపటాలు

దిల్లీ సీఎం కేజ్రీవాల్‌ ప్రకటన

దిల్లీ: గణతంత్ర వేడుకలు పురస్కరించుకుని దిల్లీ ముఖ్యమంత్రి అరవింద్‌ కేజ్రీవాల్‌ కీలక నిర్ణయం తీసుకున్నారు. ప్రభుత్వ కార్యాలయాల్లో రాజ్యాంగ నిర్మాత బీఆర్‌ అంబేడ్కర్‌, విప్లవ స్వాతంత్య్ర సమరయోధుడు భగత్‌సింగ్‌ల చిత్ర పటాలను మాత్రమే ఉంచుతామని ప్రకటించారు. కార్యాలయాల్లో ఏ ఒక్క రాజకీయ నేత ఫొటోకు స్థానం కల్పించబోమని. చివరకు ముఖ్యమంత్రి చిత్రపటానికి కూడా స్థానం ఉండదని స్పష్టంచేశారు. అంబేడ్కర్‌, భగత్‌సింగ్‌ల జీవితాల నుంచి తాను ఎంతో స్ఫూర్తి పొందానని మంగళవారం నిర్వహించిన గణతంత్ర వేడుకల్లో కేజ్రీవాల్‌ తెలిపారు. ఈ సందర్భంగా ఆయన మాట్లాడుతూ.. వీరిద్దరి సిద్ధాంతాల ఆధారంగానే దిల్లీ సర్కారు పనిచేస్తుందని వెల్లడించారు.