Published : 26 Jan 2022 05:02 IST

పారిశుద్ధ్య కార్మికుల్లో.. 65% మంది నిరక్షరాస్యులే

దిల్లీ: భారత్‌లో వ్యర్థాలు సేకరించేవారు, వీధులు ఊడ్చేవారు, సఫాయి కార్మికుల్లో 65% మంది నిరక్షరాస్యులేనని, ఇందులోనూ ఎక్కువమంది సామాజికంగా వెనుకబడినవర్గాల వారే ఉన్నారని ఐక్యరాజ్య సమితి అభివృద్ధి కార్యక్రమం (యూఎన్‌డీపీ) సర్వే పేర్కొంది. ‘భారత్‌లో సఫాయీల సామాజిక-ఆర్థిక విశ్లేషణ’ పేరిట చేపట్టిన ఈ సర్వే నివేదిక మంగళవారం విడుదలైంది. దేశవ్యాప్తంగా 14 నగరాల్లోని 9,300 మంది పారిశుద్ధ్య పనివారు ఈ సర్వేలో పాల్గొన్నారు. ప్రతి 10 మంది సఫాయీ కార్మికుల్లో ఆరుగురికి బ్యాంకు ఖాతాలున్నాయి. వీరిలో 21% మందే జన్‌ధన్‌ యోజన ప్రయోజనాలు అందుకున్నారు. చాలా తక్కువమందే డిజిటల్‌ చెల్లింపు విధానాలు వినియోగిస్తున్నారు. 90% మందికి ఆధార్‌, ఓటరు కార్డులుండగా, 60% మందికి జనన, ఆదాయ, కుల ధ్రువీకరణ పత్రాలు లేవు. మొత్తం సఫాయీలలో సగం మందే రేషన్‌ సరకులు పొందుతున్నారు. ఇక ఆరోగ్య బీమా ఉన్నవారు 5%కి మించిలేరు. తాత్కాలిక షెడ్డులు, అద్దె ఇళ్లలోనే ఎక్కువమంది నివాసం ఉంటున్నారని, శౌచాలయాలు ఉన్నవారు/వినియోస్తున్న వారు 60% మందేనని నివేదిక పేర్కొంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని