Updated : 16 Feb 2022 09:00 IST

Tea: అస్సాం తేయాకుకు రికార్డు ధర.. కిలో ఎంతంటే?

ఈనాడు, గువాహటి: అస్సాం తేయాకుకు మళ్లీ ఆకర్షణీయమైన ధర లభించింది. ఈ మేరకు గువాహటి టీ వేలం కేంద్రంలో సోమవారం కిలో తేయాకు ధర రూ.99,999 పలికింది. ఇది గత రికార్డును సమం చేసింది. గతంలో ‘మనోహరి గోల్డ్‌ టీ’కి ఈ స్థాయిలో రికార్డు ధర పలికింది. వేలం కేంద్రంలో వరుస రికార్డు ధరలతో మనోహరి టీ ముందుంటోంది. అయితే ఆ తేయాకు తయారీకి కంపెనీకి సొంత తోటలు ఉన్నాయి. నహొర్‌చుక్‌బరి ‘బాట్‌ లీఫ్‌ ఫ్యాక్టరీ’ ఉత్పత్తి చేసిన ‘గోల్డెన్‌ పెరల్‌ టీ’ సోమవారం కిలో రూ.99,999కు అమ్ముడుపోయినట్లు వేలం కేంద్రం కొనుగోలుదారుల సంఘం కార్యదర్శి దినేష్‌ బిహాని మంగళవారం తెలిపారు. విశేషం ఏమిటంటే ఈ ఫ్యాక్టరీ చిన్న తేయాకు పెంపకందారుల నుంచి ఆకులను సేకరించి ఉత్పత్తి ప్రక్రియ చేపడుతోంది. ఈ టీని గువాహటిలోని ‘అస్సాం టీ ట్రేడర్స్‌’ కొనుగోలు చేసింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని