Updated : 17 Mar 2022 09:13 IST

ఇక భారత్‌లోకి విదేశీ పర్యాటకులు.. 156 దేశాల ఈ-టూరిస్ట్‌ వీసాల పునరుద్ధరణ

దిల్లీ: పర్యాటక రంగంలో ఉత్సాహాన్ని నింపే చర్యను కేంద్రం తీసుకుంది. కరోనా కారణంగా 156 దేశాల ఈ-టూరిస్ట్‌ వీసాలపై 2020 మార్చిలో విధించిన తాత్కాలిక నిషేధాన్ని తొలగించింది. ఆ దేశాలకు కొత్త ఈ-వీసాలనూ మంజూరు చేయాలని నిర్ణయించింది. అమెరికా, జపాన్‌ జాతీయుల పదేళ్ల పర్యాటక వీసాలపై విధించిన నిషేధాన్నీ ఎత్తివేసింది. వీరికి కొత్త పదేళ్ల వీసాలనూ జారీ చేయనుంది. అర్హులైన అన్ని దేశాల పౌరులూ ఇక నుంచి సాధారణ వీసాలకు దరఖాస్తు చేసుకోవచ్చు. టూరిస్ట్‌, ఈ-టూరిస్ట్‌ వీసా గల విదేశీయులు సముద్ర, విమాన మార్గాల్లోని ఇమ్మిగ్రేషన్‌ చెక్‌పోస్టుల ద్వారా మాత్రమే భారత్‌లో ప్రవేశించాలి. నదీ, భూమార్గాల ద్వారా అనుమతి లేదు. అఫ్గాన్‌ జాతీయులకు ఈ నిబంధనలు వర్తించవు. వీరికి హోంమంత్రిత్వశాఖ నిర్ధారించిన ప్రత్యేక వీసా ప్రక్రియ ఉంటుంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని