Smart Knob: గ్యాస్‌ లీకేజీని పసిగట్టే ‘స్మార్ట్‌ నాబ్‌’

ప్యారిస్‌ (చెన్నై), న్యూస్‌టుడే: స్టవ్‌ బర్నర్‌ నుంచి గ్యాస్‌ లీక్‌ అయ్యే ప్రమాద పరిస్థితుల్ని గుర్తించి ఆటోమేటిక్‌గా గ్యాస్‌ను ఆఫ్‌ చేసుకునే సాంకేతికత వచ్చింది. దీనికోసం ‘స్మార్ట్‌ నాబ్‌’ను స్టవ్‌కు అమర్చారు ఐఐటీ మద్రాస్‌కు చెందిన స్టార్టప్‌ డిగ్యాస్‌ ప్రైవేట్‌ లిమిటెడ్‌ ప్రతినిధులు. ఈ సంస్థ హెచ్‌పీసీఎల్‌తో కలిసి స్టవ్‌లకు ఈ సాంకేతికతను అనుసంధానించి మార్కెట్‌లోకి విడుదల చేస్తున్నట్లు మంగళవారం ఐఐటీ మద్రాస్‌ ఇంక్యుబేషన్‌ సెల్‌ ప్రకటించింది. బర్నర్‌ల దగ్గర గ్యాస్‌ లీకేజీని పసిగట్టే ‘బ్యాటరీ ఫ్రీ నాన్‌-ఇన్వాజివ్‌ ఫ్లేమ్‌ ఫెయిల్యూర్‌ డివైజ్‌’ను అమర్చారు. ఇది సెన్సర్‌లా పని చేస్తుందని ప్రతినిధులు తెలిపారు. ఈ తరహా పరికరం ప్రపంచంలోనే తొలిసారి అందుబాటులోకి తెస్తున్నట్లు  ప్రతినిధులు పేర్కొన్నారు.