కొవాగ్జిన్‌ను గుర్తించిన జపాన్‌

భారత్‌ బయోటెక్‌ వెల్లడి

దిల్లీ: భారత్‌ బయోటెక్‌ సంస్థ రూపొందించిన కరోనా టీకా కొవాగ్జిన్‌ను గుర్తింపు పొందిన టీకాల జాబితాలో చేరుస్తూ జపాన్‌ ప్రభుత్వం నిర్ణయం తీసుకుంది. తద్వారా భారత్‌, జపాన్‌ల మధ్య ప్రయాణాలు మరింత సులభతరం కానున్నాయి. ఈ విషయాన్ని భారత్‌ బయోటెక్‌ సంస్థ ట్విటర్‌లో వెల్లడించింది. ‘‘కొవాగ్జిన్‌ను జపాన్‌ ప్రభుత్వం గుర్తింపు పొందిన టీకాల జాబితాలో చేర్చింది. ఈ నెల 10 నుంచి భారత్‌, జపాన్‌ మధ్య ప్రయాణాలను మరింత సులభతరం చేసే దిశగా ఈ చర్య చేపట్టింది’’ అని ట్విటర్‌లో పేర్కొంది. ఆస్ట్రేలియా సహా మరిన్ని దేశాలు ఇప్పటికే అంతర్జాతీయ ప్రయాణాల కోసం కొవాగ్జిన్‌ను గుర్తించాయి.