Omicron: ఎలుకల నుంచి మానవుల్లోకి ఒమిక్రాన్‌?

 ప్రాణాంతక వేరియంట్లకు జంతువులు

  రిజర్వాయర్లుగా మారే ముప్పుందన్న శాస్త్రవేత్తలు

దిల్లీ: కరోనా మహమ్మారి వ్యాప్తిలో జంతువుల పాత్ర ఎంత మాత్రమూ విస్మరించలేనిదని అమెరికా పరిశోధకులు తాజాగా తేల్చారు. కొత్త వేరియంట్లకు అవి రిజర్వాయర్లుగా పనిచేస్తుంటాయని పేర్కొన్నారు. మూడో ఉద్ధృతిలో భారత్‌ సహా దాదాపు ప్రపంచమంతటా కొవిడ్‌ కేసులు అత్యంత వేగంగా పెరిగేందుకు కారణమైన ఒమిక్రాన్‌ వేరియంట్‌.. రోగనిరోధక వ్యవస్థ బలహీనంగా ఉన్న వ్యక్తిలో ఉత్పరివర్తనాల వల్ల పుట్టుకొచ్చింది కాదేమోనని అభిప్రాయపడ్డారు. జంతువుల నుంచే (బహుశా ఎలుకలు వంటి వాటి నుంచి) మానవుల్లోకి అది ప్రవేశించి ఉంటుందని అంచనా వేశారు. జంతువుల్లో కరోనా వైరస్‌ వేల సంఖ్యలో ఉత్పరివర్తనాలకు గురవుతూ.. మనుషుల్లో శరవేగంగా వ్యాప్తి చెందే రకంగా, అత్యంత ప్రాణాంతక వేరియంట్‌గా పరివర్తనం చెందేందుకు ఎక్కువ అవకాశాలున్నట్లు అమెరికాకు చెందిన ప్రజారోగ్య నిపుణులు అమితా గుప్తా తెలిపారు.