Published : 03 May 2022 08:02 IST

DGCA: స్పైస్‌జెట్‌ విమానాలన్నింటినీ తనిఖీ చేస్తాం

దుర్గాపుర్‌ ఘటనపై డీజీసీఏ ప్రకటన

దిల్లీ: ముంబయి-దుర్గాపుర్‌ స్పైస్‌జెట్‌ విమాన ప్రమాద ఘటనపై పౌర విమానయానశాఖ డైరెక్టరేట్‌ జనరల్‌(డీజీసీఏ) తీవ్రంగా స్పందించింది. మొత్తం ఆ సంస్థ విమానాలన్నింటినీ తనిఖీ చేయాలని నిర్ణయించింది. ఈ నేపథ్యంలో ప్రమాదానికి గురైన విమానంలోని సిబ్బంది, ఎయిర్‌క్రాఫ్ట్‌ నిర్వహణ ఇంజనీర్‌ (ఏఎంఈ), స్పైస్‌జెట్‌ మెయింటెనెన్స్‌ కంట్రోల్‌ సెంటర్‌ ఇన్‌ఛార్జ్‌ను విధుల నుంచి తప్పించింది. ఆదివారం దుర్గాపుర్‌లో ల్యాండయ్యేముందు స్పైస్‌జెట్‌ బోయింగ్‌ బి-737 విమానం భారీగా కుదుపులకు లోనైన సంగతి తెలిసిందే. ఈ ఘటనలో 14 మంది ప్రయాణికులు, ముగ్గురు సిబ్బంది గాయాలపాలయ్యారు. ఇందులో ఇద్దరు ఐసీయూలో ఉన్నట్లు డీజీసీఏ తెలిపింది. ప్రమాద సమయంలో విమానంలో 195 మంది ప్రయాణికులు, ఇద్దరు పైలట్లు, నలుగురు సిబ్బంది ఉన్నారు. ప్రస్తుతం ఈ విమానం కోల్‌కతా విమానాశ్రయంలో ఉంది. స్పైస్‌జెట్‌ వెబ్‌సైట్‌ ప్రకారం... ప్రస్తుతం ఆ సంస్థ అధీనంలో 91 విమానాలు ఉన్నాయి. వీటన్నింటిని డీజీసీఏ తనిఖీ చేయనుంది.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts