హిందీకి శివసేన మద్దతు

ముంబయి: ‘ఒకే దేశం.. ఒకే భాష’ నినాదాన్ని శివసేన ప్రధాన ప్రతినిధి సంజయ్‌ రౌత్‌ సమర్థించారు. హిందీని దేశమంతటా ఆమోదిస్తారని, అన్ని రాష్ట్రాల్లో హిందీ మాట్లాడేట్టు చూడాలని కేంద్ర హోంమంత్రి అమిత్‌ షాను ఆయన కోరారు. అన్ని రాష్ట్రాల్లో ఆంగ్లానికి ప్రత్యామ్నాయంగా హిందీని ఆమోదించాలన్నదే తన ఉద్దేశం తప్ప, స్థానిక భాషలకు ప్రత్యామ్నాయంగా మాత్రం కాదని అమిత్‌ షా పేర్కొన్న నెల రోజులకు రౌత్‌ ఈ విధంగా వ్యాఖ్యానించారు.

*  కేంద్రం తమపై హిందీని రుద్ధాలని చూస్తోందనీ, ఇది ప్రాంతీయ భాషలను బలహీనపరచే అజెండాలో భాగమని దక్షిణ భారత రాష్ట్రాల నాయకులు విమర్శిస్తున్నారు. హిందీ నేర్చుకుంటే ఉద్యోగాలు వస్తాయనే కేంద్ర నాయకుల వాదనను వారు ఖండించారు. ‘‘కోయంబత్తూరులో పానీపూరి అమ్మేవారు ఎవరు? వారికి నిజంగా హిందీ వల్ల ఉద్యోగాలు వస్తే... ఆ చిన్న వ్యాపారం ఎందుకు చేస్తారు?’’ అని తమిళనాడు విద్యాశాఖ మంత్రి కె.పొన్ముడి ఇటీవల ప్రశ్నించారు.