పశ్చిమబెంగాల్‌ గవర్నర్‌కు మమత షాక్‌

ఇకపై కులపతి హోదా ముఖ్యమంత్రిదే!

కోల్‌కతా: పశ్చిమ బెంగాల్‌లో సీఎం, గవర్నర్ల మధ్య నెలకొన్న వివాదం మరో స్థాయికి చేరింది. రాష్ట్ర యూనివర్సిటీల కులపతిగా గవర్నర్‌ను తొలగించి.. ఆ స్థానంలో సీఎంను నియమించేలా రూపొందించిన ముసాయిదా చట్టానికి కేబినెట్‌ ఆమోదముద్ర వేసింది. ముఖ్యమంత్రి మమతా బెనర్జీ, గవర్నర్‌ జగ్‌దీప్‌ ధన్‌కడ్‌ల మధ్య తీవ్ర అభిప్రాయభేదాలు కొనసాగుతున్న నేపథ్యంలో బెంగాల్‌ ప్రభుత్వం ఈ కీలక ముసాయిదా బిల్లును రూపొందించింది. బిల్లుకు కేబినెట్‌ ఆమోదం తెలిపిందని రాష్ట్ర విద్యాశాఖ మంత్రి బ్రత్యబసు తెలిపారు. ఈ బిల్లు అమలులోకి వస్తే రాష్ట్ర ప్రభుత్వ ఆధ్వర్యంలోని 17 యూనివర్సిటీలపై గవర్నర్‌ అధికారం కోల్పోతారు.