కొవాగ్జిన్‌కు జర్మనీ గుర్తింపు

1 నుంచి ప్రయాణ అవసరాలకు అనుమతి

హైదరాబాద్‌: ప్రపంచ ఆరోగ్య సంస్థ (డబ్ల్యూహెచ్‌వో) రూపొందించిన జాబితాలో ఉన్న కొవాగ్జిన్‌ వ్యాక్సిన్‌ను ప్రయాణ అవసరాల కోసం గుర్తించనున్నట్లు జర్మనీ ప్రకటించింది. భారత్‌ బయోటెక్‌ రూపొందించిన ఈ టీకాను తీసుకున్నవారు తమ దేశానికి రావచ్చని భారత్‌లోని జర్మనీ రాయబారి వాల్టెర్‌ జె లిండ్నెర్‌ గురువారం ట్వీట్‌ చేశారు. జూన్‌ ఒకటో తేదీ నుంచి ఈ నిర్ణయం అమల్లోకి వస్తుందని చెప్పారు. ఈ నిర్ణయం కోసం తాము గత కొన్నాళ్లుగా ప్రయత్నిస్తున్నామని తెలిపారు. కొవాగ్జిన్‌ టీకా తీసుకున్న ప్రయాణికుల్ని ఆస్ట్రేలియా, జపాన్‌, కెనడా వంటి అనేక దేశాలు ఇప్పటికే అనుమతిస్తున్నాయి.