నేడు నింగిలోకి ‘ఆర్‌హెచ్‌-200’ రాకెట్‌

సూళ్లూరుపేట, న్యూస్‌టుడే: ‘యువ విజ్ఞాన కార్యక్రమం-2022’ విద్యార్థుల వీక్షణ కోసం షార్‌లోని ప్రయోగ కేంద్రం నుంచి ఆర్‌హెచ్‌-200 సౌండింగ్‌ రాకెట్‌ను శుక్రవారం నింగిలోకి పంపనున్నారు. శిక్షణలో భాగంగా విద్యార్థులు గురువారం ఇక్కడికి చేరుకున్నారు. వీరికి రెండ్రోజులపాటు వివిధ అంశాలపై సీనియర్‌ శాస్త్రవేత్తలు అవగాహన కల్పించనున్నారు. షార్‌ సంచాలకులు ఆర్ముగం రాజరాజన్‌ రాకెట్‌ కేంద్రం, ప్రయోగాలు, అనుసంధానం తదితర అంశాల గురించి వివరించనున్నారు. శనివారం ఇస్రో అధిపతి డా.సోమనాథ్‌ విద్యార్థుల ముఖాముఖిలో పాల్గొని వారి అనుమానాలను నివృత్తి చేయనున్నారు.