తాజ్‌మహల్‌ ప్రాంగణంలో నమాజ్‌

ముగ్గురు హైదరాబాదీలు సహా నలుగురి అరెస్టు

ఆగ్రా: తాజ్‌మహల్‌ ప్రాంగణంలోని షహీ మసీదులో నమాజ్‌ చేసినందుకు నలుగురు పర్యాటకులను పోలీసులు బుధవారం అరెస్టు చేశారు. వారిలో ముగ్గురు హైదరాబాద్‌కు చెందినవారు కాగా మరొకరు ఆజంగఢ్‌ వాసి. అల్లర్లు సృష్టించాలనే ఉద్దేశంతో విద్వేషాలను రెచ్చగొట్టే చర్యలకు పాల్పడినట్లు వారిపై కేసు నమోదు చేశారు. శుక్రవారం తప్ప మిగతా రోజుల్లో తాజ్‌ మహల్‌ ప్రాంగణంలో నమాజ్‌ చేయడాన్ని సుప్రీం కోర్టు నిషేధించిందని పురాతత్వ శాఖ అధికారులు చెప్పారు. అయితే వారికి ఈ విషయంపై అవగాహన లేకే నమాజ్‌ చేశారని వారితోపాటు ఉన్న టూరిస్టు గైడ్‌ చెప్పారు.