ఫరూఖ్‌ అబ్దుల్లాకు ఈడీ సమన్లు

దిల్లీ: జమ్మూకశ్మీర్‌ మాజీ సీఎం, నేషనల్‌ కాన్ఫరెన్సు (ఎన్సీ) అధ్యక్షుడు డాక్టర్‌ ఫరూఖ్‌ అబ్దుల్లా (84)కు ఈడీ సమన్లు జారీ చేసింది. హవాలా కేసు విచారణకుగాను మే 31న తమ కార్యాలయంలో హాజరుకావలసిందిగా ఆయన్ను కోరినట్లు అధికారవర్గాలు శుక్రవారం వెల్లడించాయి. జమ్మూకశ్మీర్‌ క్రికెట్‌ అసోసియేషన్‌ (జేకేసీఏ) ఆర్థిక అక్రమాలకు సంబంధించిన ఈ కేసును ఈడీ విచారిస్తోంది. ఆర్థిక అక్రమాల నిరోధక చట్టం కింద ఈ కేసు నమోదైంది. శ్రీనగర్‌ నియోజకవర్గం నుంచి లోక్‌సభకు ప్రాతినిధ్యం వహిస్తున్న ఫరూఖ్‌ అబ్దుల్లా గతంలో మాదిరిగానే ఇప్పుడు కూడా అధికారవర్గాలకు సహకరిస్తారని పార్టీవర్గాలు తెలిపాయి.