లక్షకు చేరిన క్రియాశీలక కేసులు

కొత్తగా 14,506 మందికి కొవిడ్‌

దిల్లీ: దేశంలో కరోనా కొత్త కేసులు మళ్లీ పెరిగాయి. ఈ మేరకు తాజాగా 24 గంటల వ్యవధిలో (మంగళవారం ఉదయం 8 గంటల నుంచి బుధవారం ఉదయం 8 గంటల వరకు) 14,506 మందికి కొవిడ్‌-19 సోకింది. అంతకుముందు రోజు ఈ సంఖ్య 11,793గా నమోదైన సంగతి తెలిసిందే. వైరస్‌తో పోరాడుతూ మరో 30 మంది ప్రాణాలు కోల్పోయారు. మొత్తం కేసుల సంఖ్య 4,34,33,345కు, మరణాల సంఖ్య 5,25,077కు చేరింది. క్రియాశీలక కేసుల సంఖ్య 99,602కు చేరిందని, మొత్తం కేసుల్లో వీటి వాటా 0.23 శాతంగా ఉందని కేంద్ర ఆరోగ్య మంత్రిత్వశాఖ తెలిపింది. రోజువారీ పాజిటివిటీ రేటు 3.35 శాతంగా నమోదైనట్లు వెల్లడించింది.