రూ.235 కోట్ల ‘శరవణ’ ఆస్తుల స్తంభన

వేలచ్చేరి, న్యూస్‌టుడే: చెన్నై శరవణ స్టోర్స్‌ బంగారు మాళిగకు చెందిన రూ.235 కోట్ల విలువైన ఆస్తులను ఆదాయపు పన్నుశాఖ అధికారులు శనివారం స్తంభింపజేశారు. దీంతోపాటు ప్రముఖ లాటరీ వ్యాపారి మార్టిన్‌కు చెందిన భూములు, బ్యాంకు ఖాతాల్లో నగదు సహా రూ.173 కోట్ల విలువైన ఆస్తులను స్తంభింపజేసినట్లు అధికారులు వెల్లడించారు. గతంలో శరవణ నిర్వాహకులు, మార్టిన్‌ వేర్వేరుగా ఇండియన్‌ బ్యాంకులో రుణాలు తీసుకుని మోసానికి పాల్పడ్డారని, ఈ కేసుల్లో భాగంగా వారి కార్యాలయాలుసహా, పలు ప్రాంతాల్లో ఐటీ విభాగం సోదాలు నిర్వహించిందని, లభించిన ఆధారాలను పరిగణనలోకి తీసుకుని, ఆస్తుల స్తంభన నిర్ణయం తీసుకున్నట్లు అధికారులు వివరించారు.