తిడుతూ.. కొడుతూ..

జైపుర్‌: రాజస్థాన్‌లోని ఉదయ్‌పుర్‌లో దర్జీ కన్హయ్యలాల్‌ను హత్య చేసిన నిందితులపై కోర్టు ప్రాంగణంలోనే దాడి జరిగింది. శనివారం.. నిందితులు రియాజ్‌ అఖ్తారీ, గౌస్‌ మహమ్మద్‌, మొహసిన్‌, ఆసిఫ్‌ను పోలీసులు ప్రత్యేక కోర్టులో హాజరుపరిచారు. వీరిని ఈ నెల 12 వరకు పోలీసు కస్టడీకి అనుమతిస్తూ న్యాయమూర్తి ఉత్తర్వులు జారీ చేశారు. నిందితులను కారాగారానికి తరలించేందుకు పోలీసు వాహనంలోకి ఎక్కిస్తున్న సమయంలో ఒక్కసారిగా న్యాయవాదులు భద్రతా వలయాన్ని ఛేదించుకొని దాడి చేశారు. వారిని తిడుతూ, కొడుతూ.. పాకిస్థాన్‌కు వ్యతిరేకంగా నినాదాలు చేశారు. నిందితుల్లో ఒకరి చొక్కాను చింపేశారు. వారిని ఉరి తీయాలంటూ న్యాయవాదులు డిమాండ్‌ చేశారు.