అంతా సజావుగా సాగుతుందని భావిస్తున్నాం

తదుపరి సీజేఐ నియామకంపై కేంద్రమంత్రి కిరణ్‌ రిజిజు వ్యాఖ్య

దిల్లీ: సుప్రీంకోర్టు తదుపరి ప్రధాన న్యాయమూర్తి (సీజేఐ) నియామకం కోసం లాంఛనాలను పూర్తిచేస్తున్నామని కేంద్ర న్యాయశాఖ మంత్రి కిరణ్‌ రిజిజు తెలిపారు. నిబంధనలు, సంప్రదాయాల విషయంలో ప్రభుత్వం ఎల్లప్పుడూ కచ్చితంగా ఉంటున్నందున.. అంతా సజావుగా సాగుతుందని భావిస్తున్నట్లు చెప్పారు. దిల్లీలోని పార్లమెంటు భవనం వద్ద శుక్రవారం కిరణ్‌ రిజుజు విలేకరులతో మాట్లాడారు. సుప్రీంకోర్టు తదుపరి ప్రధాన న్యాయమూర్తి నియామకం విషయమై అడిగిన ప్రశ్నకు బదులిస్తూ ఆయన పైవ్యాఖ్యలు చేశారు. తదుపరి సీజేఐగా ఎవరిని నియమించాలన్న విషయమై పేరును సూచిస్తూ ప్రస్తుత సీజేఐ జస్టిస్‌ ఎన్‌.వి.రమణ నుంచి లేఖ అందినట్లు తెలిపారు.