దేవతల చిత్రీకరణపై అభ్యంతరం.. వారపత్రికపై కేసు

వ్యాసకర్తగా తప్పుకొన్న వివేక్‌ దేబరాయ్‌

కాన్పుర్‌ (యూపీ): వారపత్రికలో ఓ వ్యాసం కోసం ప్రచురించిన చిత్రంలో శివుడు, కాళీమాతలను అభ్యంతరకర రీతిలో చిత్రీకరించారని హిందూవాద కార్యకర్తల నుంచి నిరసనలు వెల్లువెత్తడంతో కాన్పుర్‌ పోలీసులు ఆ పత్రికపై కేసు నమోదు చేశారు. ఈ పరిణామంతో కలత చెందిన వ్యాసకర్త, ఆర్థికవేత్త వివేక్‌ దేబరాయ్‌ ఆ పత్రికతో తన అనుబంధానికి స్వస్తి పలికారు. హిందువుల మనోభావాలు దెబ్బతీశారని ఉత్తర్‌ప్రదేశ్‌ రాష్ట్ర భాజపా మాజీ ఉపాధ్యక్షుడు ప్రకాశ్‌శర్మ ఇచ్చిన ఫిర్యాదుతో ఆ పత్రిక సంపాదకుడు, యాజమాన్యంపై ఎఫ్‌.ఐ.ఆర్‌. దాఖలైంది. శుక్రవారం కాన్పుర్‌లోని బడా చౌరాహాలో భజరంగ్‌ దళ్‌ కార్యకర్తలు నిరసన ప్రదర్శన నిర్వహించారు. ‘అగ్ని నాలుక’ పేరుతో జులై 24 సంచికలో ప్రచురితమైన ఆ వాసకర్త వివేక్‌ దేబరాయ్‌ ప్రధానమంత్రి ఆర్థిక సలహామండలి అధ్యక్షుడిగానూ ఉన్నారు. ఆ చిత్ర ప్రచురణపై పత్రిక యాజమాన్యం తన వెబ్‌సైటులో విచారం వ్యక్తం చేసింది.