ఈవీఎంల వినియోగంపై పిటిషన్‌ కొట్టివేత

దిల్లీ: ఎన్నికల్లో బ్యాలెట్‌ బాక్సులకు బదులు ఈవీఎంల వినియోగానికి బాటలు వేసిన ప్రజాప్రాతినిధ్య చట్టం నిబంధన రాజ్యాంగపరమైన చెల్లుబాటును సవాలు చేస్తూ దాఖలైన పిటిషన్‌ను సుప్రీంకోర్టు శుక్రవారం కొట్టివేసింది. జస్టిస్‌ ఎస్‌.కె.కౌల్‌, జస్టిస్‌ ఎం.ఎం.సుంద్రేశ్‌లతో కూడిన ధర్మాసనం ఈ మేరకు తన నిర్ణయాన్ని ప్రకటించింది. పార్లమెంటు అధికారాలను వివరించే రాజ్యాంగంలోని ఆర్టికల్‌ 100ను ప్రస్తావిస్తూ.. సెక్షన్‌ 61ఏ పైన న్యాయవాది ఎం.ఎల్‌.శర్మ ఈ పిటిషన్‌ దాఖలు చేశారు. విచారణార్హత లేనందున పిటిషన్‌ను తిరస్కరిస్తున్నామని ధర్మాసనం పేర్కొంది.