దిల్లీలో మరో మహిళకు మంకీపాక్స్‌

దేశంలో 10కి చేరిన కేసుల సంఖ్య

దిల్లీ: దేశ రాజధాని దిల్లీలో కొత్తగా మరో మంకీపాక్స్‌ కేసు బయటపడింది. 22 ఏళ్ల ఆఫ్రికన్‌ యువతికి ‘పాజిటివ్‌’గా నిర్ధారణ అయినట్లు అధికార వర్గాలు శనివారం తెలిపాయి. నెల రోజుల క్రితం ఆమె నైజీరియాకు వెళ్లివచ్చినట్లు చెప్పాయి. రెండు రోజుల కిందట దిల్లీలోని ఎల్‌ఎన్‌జేపీ ఆసుపత్రిలో చేరిన ఆమె శాంపిళ్లను పరీక్షలకు పంపించగా శుక్రవారం రాత్రి నివేదికలు వచ్చాయి. దిల్లీలో ఈ వ్యాధి బారినపడిన రెండో మహిళ ఆమె కాగా.. రాజధానిలో మంకీపాక్స్‌ కేసుల సంఖ్య 5కు చేరింది. కేరళలో మరో 5 బయటపడగా.. ఇంతవరకు మొత్తం 10 కేసుల్లో ఒకరు మృతిచెందారు.