75 శిఖరాలపై మువ్వన్నెల రెపరెపలు

దిల్లీ: స్వాతంత్య్ర దినోత్సవాన్ని పురస్కరించుకుని ఇండో-టిబెటన్‌ బోర్డర్‌ పోలీస్‌ (ఐటీబీపీ) దళం అరుదైన ఘట్టానికి శ్రీకారం చుట్టింది. ఆగస్టు 15న చైనా సరిహద్దులోని వాస్తవాధీన రేఖ వెంబడి ఉన్న 75 పర్వత శిఖరాలను ఐటీబీపీ సిబ్బంది అధిరోహించనున్నారు. ‘అమృత్‌రోహణ్‌’ పేరుతో నిర్వహించనున్న ఈ కార్యక్రమంలో 75 శిఖరాలపైన జాతీయ జెండాలను ఒకేసారి ఎగురవేసి రికార్డు నెలకొల్పనున్నారు.  దీంతోపాటు ఎల్‌ఏసీ వెంబడి ఐటీబీపీ సిబ్బంది 75 రోజులపాటు ప్రత్యేక గస్తీ నిర్వహించనున్నట్లు చెప్పారు. ఆగస్టు 1న లద్దాఖ్‌లోని కారాకోరమ్‌ పాస్‌ వద్ద ఇది మొదలైందని, అక్టోబరు 14న అరుణాచల్‌ ప్రదేశ్‌లోని జచెప్‌ లా వద్ద ముగుస్తుందని తెలిపారు.