కొత్తగా 14,917 మందికి కొవిడ్‌

దిల్లీ: దేశంలో కొవిడ్‌-19 కొత్త కేసుల్లో స్వల్ప పెరుగుదల నమోదైంది. తాజాగా (ఆదివారం ఉదయం 8 గంటల నుంచి సోమవారం ఉదయం 8 గంటల వరకు) 14,917 మందికి వైరస్‌ సోకింది. అంతకుముందు రోజు ఈ సంఖ్య 14,092గా నమోదైంది. మొత్తం కేసుల సంఖ్య 4,42,68,381కి, మొత్తం మరణాల సంఖ్య 5,27,069కి చేరింది. కరోనాతో పోరాడుతూ తాజాగా 32 మంది మరణించారు. క్రియాశీలక కేసుల సంఖ్య 1,17,508కి పెరిగిందని కేంద్ర ఆరోగ్య మంత్రిత్వశాఖ తెలిపింది. మొత్తం కేసుల్లో వీటి వాటా 0.27 శాతంగా ఉన్నట్లు వివరించింది. మరోవైపు, రోజువారీ పాజిటివీటీ రేటు 7.52 శాతంగా నమోదైంది.