అది ప్రజలను మోసగించే ఎత్తుగడ

మాయావతి

ఉత్తర్‌ప్రదేశ్‌లో ఆటవిక పాలన నడుస్తోంది. మహిళలపై అనునిత్యం అత్యాచారాలు, అఘాయిత్యాలు, కోర్టుల సమీపంలోనే హత్యలు జరుగుతున్నా ప్రభుత్వంలో చలనం లేదు. చట్టాలను కఠినంగా అమలు చేయకపోవడంతో నేరస్థులు ఏమాత్రం భయపడటం లేదు. అభివృద్ధి కార్యక్రమాల గురించి భాజపా చేస్తున్న ప్రచారం ప్రజలను మోసం చేసే ఎత్తుగడ మాత్రమే. పేదరికం, నిరుద్యోగంతో రాష్ట్ర ప్రజలు తీవ్ర ఇబ్బందులు పడుతున్నారు.

మానవాళి శ్రేయస్సే పరమావధి కావాలి

దలైలామా

అందరూ సాటివారిని సోదరభావంతో చూడాలి. ఇతరుల సంక్షేమం గురించి ఆలోచించాలి. సంపదను పోగు చేసుకోవడంపైనే దృష్టిపెట్టకుండా, అర్థవంతమైన పనులను చేయాలి. మొత్తంగా మానవాళి శ్రేయస్సు కోసం మన వంతు కృషి చేయాలి. అప్పుడే మన జన్మ సార్థకమవుతుంది.