క్లాస్‌రూంలో మందేసి చిందేసిన ప్రొఫెసర్‌

విద్యార్థులకు విద్యాబుద్ధులు నేర్పాల్సిన ఓ ప్రొఫెసర్‌ బాధ్యతారాహిత్యంగా ప్రవర్తించాడు. తరగతి గదిలోనే మద్యం తాగుతూ చిందులేశాడు. పంజాబ్‌ పఠాన్‌కోట్‌లోని జీఎన్‌డీయూ కళాశాలలో ఈ ఘటన జరగగా.. ఇందుకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి. సొంత డబ్బులతో మద్యం తాగుతున్నానని, తనను ఎవరూ ప్రశ్నించలేరని ఆయన వ్యాఖ్యానించడం వీడియోలో రికార్డు అయింది. అంతేగాక ఓ సినీ గీతాన్ని ఆలపిస్తూ నృత్యం చేయడం కనిపించింది. దీనిపై ఆ ప్రొఫెసర్‌ స్పందించాడు. తాను ఆ సమయంలో మద్యం తాగలేదని, తాగినట్లు నటించానని పేర్కొన్నాడు. అదంతా సరదాగా చేసినట్లు చెప్పుకొచ్చాడు.