ఐసీఎంఆర్‌ డైరెక్టర్‌ జనరల్‌గా రాజీవ్‌ బహల్‌

ఈనాడు, దిల్లీ: భారత వైద్య పరిశోధన మండలి (ఐసీఎంఆర్‌) డైరెక్టర్‌ జనరల్‌, కేంద్రప్రభుత్వ ఆరోగ్య పరిశోధన విభాగం కార్యదర్శిగా డాక్టర్‌ రాజీవ్‌ బహల్‌ నియమితులయ్యారు. మూడేళ్లపాటు ఆయన ఈ బాధ్యతలు నిర్వర్తించనున్నారు. ఈ నియామకానికి కేబినెట్‌ నియామకాల కమిటీ ఆమోదముద్ర వేసినట్లు సిబ్బంది, శిక్షణ వ్యవహారాల శాఖ శుక్రవారం తెలిపింది. బహల్‌ చిన్నపిల్లల వైద్య నిపుణులు. ప్రజారోగ్య విభాగంలో పీహెచ్‌డీ చేశారు. ప్రస్తుతం ప్రపంచ ఆరోగ్య సంస్థలో శిశు, కౌమారదశ పిల్లల ఆరోగ్యం, అభివృద్ధి విభాగానికి నేతృత్వం వహిస్తున్నారు. మాతాశిశు ఆరోగ్యంపై పరిశోధనలను పర్యవేక్షిస్తున్నారు.