Nitin Gadkari: నిరుపేదలున్న సంపన్న దేశం మనది: గడ్కరీ

నాగ్‌పుర్‌: మన దేశం ప్రపంచంలోనే అయిదో అతి పెద్ద ఆర్థిక వ్యవస్థగా అవతరించినప్పటికీ ప్రజలు క్షుద్బాధ, నిరుద్యోగం, కులతత్వం, అంటరానితనం, అధిక ధరలు వంటి సమస్యలతో సతమతమవుతున్నారని కేంద్ర మంత్రి నితిన్‌ గడ్కరీ పేర్కొన్నారు. దేశంలో ధనిక, పేద ప్రజల మధ్య అంతరం పెరిగిపోతోందని, దీనిని తగ్గించాల్సిన అవసరముందని అభిప్రాయపడ్డారు. ఆరెస్సెస్‌తో భావసారూప్యమున్న భారత్‌ వికాస్‌ పరిషద్‌ గురువారం నాగ్‌పుర్‌లో నిర్వహించిన ఓ కార్యక్రమంలో గడ్కరీ ప్రసంగించారు. సమాజంలో ఆర్థిక అంతరాలను తగ్గించడానికి విద్య, ఆరోగ్యం, సేవల రంగాలపై దృష్టి కేంద్రీకరించాల్సి ఉందన్నారు.