ఐదు గ్రామాలను వణికించిన శునకం

12 మందిపై దాడి

పంజాబ్‌ గురుదాస్‌పుర్‌లో ఒక శునకం.. ఐదు గ్రామాల ప్రజలను భయాందోళనకు గురిచేసింది. దినానగర్‌ సమీపంలోని ఐదు గ్రామాల్లోని 12 మందిపై ఆ పెంపుడు శునకం దాడి చేసింది. మొదట.. తంగోషా గ్రామంలోని ఇద్దరు కూలీలపై దాడి చేసింది. చాకచక్యంగా వ్యవహరించిన కూలీలు.. పెంపుడు శునకం మెడకు ఉన్న గొలుసును పట్టుకొని నిలువరించారు. ఆ తర్వాత ఎలాగోలా తప్పించుకున్న శునకం.. రాత్రి వేళ గ్రామంలోకి ప్రవేశించింది. అక్కడ దిలీప్‌ కుమార్‌(60) అనే వ్యక్తిపై దాడి చేసింది. అలా ఒకరి తర్వాత ఒకరిపై మొత్తం 11 మందిపై దాడిచేసి గాయపరిచింది. ఆ తర్వాత చౌహానా గ్రామానికి చెందిన విశ్రాంత సైనికుడు కెప్టెన్‌ శక్తి సింగ్‌ను కరిచింది. ఆయన ధైర్యం కోల్పోకుండా శునకం 2 చెవులను పట్టుకొని నిలువరించే ప్రయత్నం చేశారు. అదే సమయంలో అక్కడకు చేరుకున్న కొందరు స్థానికులు శునకాన్ని కర్రలతో కొట్టిచంపారు.