గుంతలు లేని చోటు చూపించు మోదీజీ..

గుంతలమయమైన రహదారిపై నిరసన వ్యక్తం చేయడానికి ఉత్తర్‌ప్రదేశ్‌లో ఓ విశ్రాంత సైనికుడు వినూత్న ప్రదర్శన చేపట్టారు. ఖేకడాకు చెందిన విశ్రాంత సైనికుడు సుభాష్‌ చంద్‌ కశ్యప్‌ పట్టపగలు చేతిలో లాంతరు, ప్రధాని మోదీ ముఖంతో ఉన్న మాస్కు పట్టుకుని ఖేకడా నుంచి గాజియాబాద్‌ వరకు దాదాపు 30 కి.మీ. కాలి నడకన రహదారిపై గుంతలు లేని చోటును వెతుక్కుంటూ వెళ్లారు. దిల్లీ-సహరాన్‌పుర్‌ జాతీయ రహదారిపై గత కొన్ని రోజులుగా పనులు జరుగుతున్నాయి. దీని వల్ల రోడ్డుపై మొత్తం గుంతలు ఏర్పడ్డాయి. ఆ పనులు త్వరగా పూర్తి చేయాలని కోరుతూ ఈ నిరసన చేపట్టినట్లు కశ్యప్‌ తెలిపారు.