Para Jump: 70 ఏళ్ల వయసులో పారాజంప్‌!

సాధించాలి అనే తపన ఉంటే అసాధ్యమైనదంటూ ఏమీ లేదని 70 ఏళ్ల రిటైర్డ్‌ కర్నల్‌ గిరిజా శంకర్‌ ముంగలి నిరూపించారు. ఏడు పదుల వయసులో 1,600 అడుగుల ఎత్తు నుంచి పారా జంపింగ్‌ చేసి, సరికొత్త రికార్డు సృష్టించారు. నైనితాల్‌కు చెందిన ఆయన ప్రస్తుతం తన కుటుంబంతో కలిసి మహారాష్ట్రలోని పుణెలో నివసిస్తున్నారు. ఆగ్రాలో అక్టోబరు 15న నిర్వహించిన పారాజంప్‌లో గిరిజా ముంగలి పాల్గొని 1,600 అడుగుల పైనుంచి కిందికి దూకి రికార్డు సృష్టించారు. 35 మంది సభ్యులు కలిగిన గ్రూప్‌లో సభ్యునిగా ఈ పారాజంప్‌లో పాల్గొన్నారు. ఈ గ్రూప్‌లో అధిక సంఖ్యలో వృద్ధులే ఉండటం గమనార్హం.