ఎలుకకు చిత్రహింసలు.. పోలీసులకు ఫిర్యాదు

ఉత్తర్‌ప్రదేశ్‌లో ఎలుకపై దారుణంగా ప్రవర్తించాడో వ్యక్తి. దాని తోకకు రాయిని కట్టి కాలువలో పడేశాడు. దీంతో ఆ ఎలుక ప్రాణాలు కోల్పోయింది. బదాయూ జిల్లా పన్వాడియాకు చెందిన వ్యక్తి ఈ దుశ్చర్యకు పాల్పడ్డాడు. ఈ ఘటనపై జంతు ప్రేమికుడు వికేంద్ర శర్మ పోలీసులకు ఫిర్యాదు చేశాడు. ఎలుకకు శవపరీక్ష నిర్వహించాల్సిందిగా కోరాడు. తాను ప్రత్యక్షంగా ఆ ఘటనను చూశానని పోలీసులకు తెలిపాడు. ఆ వ్యక్తి తన పిల్లలతో కలిసి ఎలుకను హింసిస్తుంటే వారిని వారించానని.. అయినా తన మాట వినలేదని చెప్పుకొచ్చాడు. ఎలుకను తీసే ప్రయత్నం చేసినప్పటికీ, అప్పటికే అది చనిపోయిందని వెల్లడించాడు. ఘటనపై తమకు ఫిర్యాదు అందిందని పోలీసులు తెలిపారు.