టీచర్‌ను ర్యాగింగ్‌ చేసిన విద్యార్థులు

ఉపాధ్యాయురాలిపై 12వ తరగతి చదువుతున్న ముగ్గురు విద్యార్థులు ర్యాగింగ్‌కు పాల్పడ్డారు. ఈ ఘటన ఉత్తర్‌ప్రదేశ్‌లోని మేరఠ్‌లో జరిగింది. టీచర్‌ క్లాస్‌కు వెళ్లే సమయంలో ‘‘ఐ లవ్‌ యూ మేడమ్‌.. ఓయ్‌ మేడమ్‌..’’ అంటూ అసభ్యకర పదజాలాన్ని వాడారు. ఈ వ్యవహారం మొత్తాన్ని వాళ్లే వీడియో తీశారు. అనంతరం ఉపాధ్యాయురాలు ఆ విద్యార్థులపై పోలీసులకు ఫిర్యాదు చేశారు. వారు తనను చాలా కాలంగా వేధిస్తున్నారని అందులో పేర్కొన్నారు. ముగ్గురు విద్యార్థులను పోలీసులు అదుపులోకి తీసుకున్నారు.