‘జమాతే ఇస్లామీ’ సంస్థ రూ.90 కోట్ల ఆస్తుల స్వాధీనం

ఇంటర్నెట్‌డెస్క్‌: నిషేధిత సంస్థ ‘జమాతే ఇస్లామీ’ ఆస్తులపై స్టేట్‌ ఇన్వెస్టిగేషన్‌ ఏజెన్సీ (ఎస్‌ఐఏ) దృష్టిపెట్టింది. ఆ సంస్థకు జమ్మూ-కశ్మీర్‌లో ఉన్న దాదాపు 200 ఆస్తులను ఇప్పటికే గుర్తించింది. అనంత్‌నాగ్‌ జిల్లాలో ఆ సంస్థకు సంబంధించిన 11 ప్రధాన ఆస్తులను సీజ్‌ చేసింది. వీటి విలువ సుమారు రూ.90 కోట్లు ఉంటుందని అంచనా. ఆ రాష్ట్రంలో ఉగ్రవాదం, వేర్పాటు వాదాలను జమాతే ప్రోత్సహిస్తోందనే ఆరోపణలు ఉన్నాయి. ఈ నేపథ్యంలో ఆ సంస్థ ఆస్తులపై ఎస్‌ఐఏ ఆపరేషన్‌ చేపట్టింది. శనివారం భారీ ఎత్తున పోలీసు దళాల సాయంతో దాడులు చేసింది. ఈ నెల మొదట్లో షోపియాన్‌ జిల్లాలో జమాతేకు చెందిన తొమ్మిది ఆస్తులను గుర్తించి సీజ్‌ చేశారు. వీటిల్లో రెండు పాఠశాల భవనాలు కూడా ఉన్నాయి.