గణతంత్ర వేడుకలకు ఈజిప్టు అధ్యక్షుడు

దిల్లీ: జనవరిలో జరగనున్న భారత గణతంత్ర వేడుకలకు ఈజిప్ట్‌ అధ్యక్షుడు అబ్దెల్‌ ఫతా ఎల్‌-సిసి ముఖ్య అతిథిగా హాజరుకానున్నారు. ఈ మేరకు ఈజిప్టు అధ్యక్షుడి పర్యటనపై విదేశీ వ్యవహారాల శాఖ ఆదివారం అధికారికంగా ప్రకటన విడుదల చేసింది. గత నెలలో విదేశీ వ్యవహారాల శాఖ మంత్రి జై శంకర్‌ కైరోలో పర్యటించిన సందర్భంగా ప్రధాని మోదీ తరఫున అబ్దెల్‌ ఫతాకు ఆహ్వాన పత్రం అందించినట్లు అధికారులు తెలిపారు. గణతంత్ర వేడుకలకు ఈజిప్టు అధ్యక్షుడుముఖ్య అతిథిగా రావడం ఇదే తొలిసారి అవుతుందని పేర్కొన్నారు.