ఉలితో శిలలకు జీవం..

మధ్యప్రదేశ్‌లోని గ్వాలియర్‌కు చెందిన దీపక్‌ విశ్వకర్మ అనే శిల్పి రాళ్లపై బొమ్మలను అద్భుతంగా చెక్కుతున్నాడు. మనుషులను చూసి వారిని అచ్చుగుద్దినట్లుగా రాళ్లపై వారి రూపాన్ని చెక్కడం అతడి ప్రత్యేకత. మహాత్మాగాంధీ, బి.ఆర్‌.అంబేడ్కర్‌, సర్దార్‌ వల్లభ్‌భాయ్‌ పటేల్‌, ప్రధాని మోదీ, మాజీ ప్రధాని వాజ్‌పేయీ, అమితాబ్‌ బచ్చన్‌ వంటి ప్రముఖుల రూపాలను రాళ్లపై సుందరంగా చెక్కాడు. అంతేకాదు.. దేవుళ్ల ప్రతిరూపాలనూ అద్భుతంగా చెక్కగలడు. మన దేశమే కాకుండా విదేశీయుల డిమాండ్‌ మేరకు చిన్న విగ్రహాలను తయారు చేసి ఫ్రాన్స్‌, స్పెయిన్‌, పారిస్‌, దుబాయ్‌ వంటి దేశాలకు ఎగుమతి చేస్తున్నాడు. ఇటీవలే 4.5 కిలోల రాయితో నీటిలో తేలియాడే పడవను తయారు చేసి అందరిని ఆశ్చర్యపరిచాడు దీపక్‌. సీతారామలక్ష్మణులు అందులో ఆశీనులై ఉంటారు. ఈ విగ్రహాన్ని చూసిన కేంద్రమంత్రి జ్యోతిరాదిత్య సింధియా.. దీపక్‌ను ప్రత్యేకంగా అభినందించారు.