న్యాయపోరాటం చేసి.. ఒక్కటైన యువతుల జంట

కేరళకు చెందిన ఇద్దరు యువతులు అన్ని అడ్డంకులు దాటుకొని ఒక్కటయ్యారు. అదిలా నసరిన్‌, ఫాతిమా నూర అనే ఇద్దరు యువతులు హైకోర్టులో న్యాయపోరాటం చేసి మరీ ఏకమయ్యారు. అంగరంగ వైభవంగా వేడుక నిర్వహించుకొని దండలు, ఉంగరాలు మార్చుకున్నారు. అదిలా, ఫాతిమాలకు చిన్నప్పటి నుంచే పరిచయం ఉంది. ఈ క్రమంలోనే జీవితాంతం కలిసి ఉండాలని నిర్ణయించుకున్నారు. వీరి నిర్ణయాన్ని తల్లిదండ్రులు ఒప్పుకోలేదు. దీంతో ఈ ఏడాది మే నెలలో కోజికోడ్‌ నుంచి పారిపోయారు. అదిలా కుటుంబ సభ్యులు వారు షెల్టర్‌ హోమ్‌కు వచ్చి యువతులకు నచ్చజెప్పి ఇంటికి తీసుకెళ్లారు. కానీ ఇంటికి వెళ్లాక కుటుంబ సభ్యులు మళ్లీ ఇద్దరినీ విడదీశారు. దీంతో అదిలా కేరళ హైకోర్టును ఆశ్రయించింది. తన భాగస్వామితో కలిసి ఉండేందుకు అనుమతి ఇవ్వాలని కోరింది. విచారణ జరిపిన ధర్మాసనం అదిల, ఫాతిమాకు అనుకూలంగా తీర్పు వెలువరించింది.