సెలవులే లేని పాఠశాల

ఏడాదిలో ఒక్కరోజు కూడా సెలవు లేకుండా ఓ పాఠశాల నడుస్తోంది. ఉదయం 8 గంటలకు ప్రారంభమై రాత్రి 8 గంటల వరకు కొనసాగుతోంది. మహారాష్ట్రలోని త్రయంబకేశ్వర్‌ తాలూకాలో ఈ పాఠశాల ఉంది. హివాలి గ్రామంలోని జిల్లా పరిషత్‌ పాఠశాల సెలవులు లేకుండా నడవడమే కాకుండా.. అనేక ప్రత్యేకతలకు కేంద్రంగా నిలుస్తోంది. కేశవ్‌ గావిత్‌ అనే ఉపాధ్యాయుడు ఈ పాఠశాలలో మార్పులకు శ్రీకారం చుట్టారు. విద్యార్థులు కేవలం పుస్తకాల్లోని విషయాలనే బట్టీ పట్టకుండా.. ఉద్యోగ నైపుణ్యాలపై దృష్టి పెట్టేలా కృషి చేశారు. 8గంటలు పుస్తకాల్లో ఉన్న విషయం చెప్పి.. ఆ తర్వాత 4 గంటలపాటు ఉద్యోగ నైపుణ్యాలను పెంపొందిస్తున్నారు.