ముందుగా ఎవరు చనిపోతారని పందెం..

స్నేహితుణ్ని రైలు కిందకు తోసి హత్య

పందెం కోసం స్నేహితుణ్ని చంపిన దారుణ ఘటన హరియాణాలోని సోనిపత్‌ జిల్లాలో చోటుచేసుకుంది. జట్వాడా గ్రామానికి చెందిన మనూ, ముఖేశ్‌ స్నేహితులు. రాత్రి పీకలదాకా మద్యం తాగిన వారిద్దరూ.. ఆ మత్తులో ఎవరు ముందుగా చనిపోతారని పందెం వేసుకున్నారు. అనంతరం రైల్వే ట్రాక్‌ వద్దకు చేరుకున్నారు. అదే సమయంలో రైలు రాగా.. దాని ముందుకు మఖేశ్‌ను తోసేశాడు మనూ. ముఖేశ్‌ అక్కడికక్కడే మృతి చెందాడు. ప్రత్యక్ష సాక్షులు ఇచ్చిన సమాచారం మేరకు పోలీసులు అక్కడకు చేరుకుని నిందితుడిని అదుపులోకి తీసుకున్నారు. మనూపై కేసు నమోదు చేశామని, విచారణ జరుగుతోందని పోలీసులు చెప్పారు.