ఆ దుంప దారి.. కొమ్మ దారి!

మహారాష్ట్రలో సహజత్వానికి భిన్నంగా ఓ బంగాళదుంప మొక్క దుంపలను కొమ్మలకు కాసి చూపరులను ఆశ్చర్యపరుస్తోంది. ఆ విడ్డూరం వివరాలు.. పుణె జిల్లాలోని ఆంబెగావా మండలంలోని నిర్గుడ్‌సర్‌ గ్రామంలో సందీప్‌, ధనేశ్‌ పాండురంగ్‌ తమ పొలంలో బంగాళదుంప పంటను వేశారు. అందులోని ఓ మొక్కకు వేళ్లకు కాయాల్సిన దుంపలు కొమ్మకు విరగ కాశాయి. దీంతో ఆ మొక్కను చూసి అవాక్కయ్యారు. ఎంతో కాలంగా బంగాళదుంపలను పండిస్తున్నాము కానీ ఇలా కొమ్మకు కాయడం చూసి ఆశ్చర్యంగా అనిపిస్తోందని స్థానికులు అంటున్నారు.