Madhya pradesh: సాయిబాబా పాదాలపైనే ప్రాణం విడిచాడు

మధ్యప్రదేశ్‌లోని కట్నీలో ఓ వ్యక్తి సాయిబాబా పాదాలకు నమస్కరిస్తూ గుండెపోటుతో మృతి చెందాడు. అక్కడ ఏర్పాటు చేసిన సీసీకెమెరాల్లో ఇందుకు సంబంధించిన దృశ్యాలు నమోదయ్యాయి.  ఔషధ దుకాణం నిర్వహించే మెహానీ(42) అనే వ్యక్తి ప్రతి గురువారం దగ్గర్లోని సాయిబాబా ఆలయానికి వెళ్లి ప్రార్థన చేస్తుంటాడు. ఎప్పటిలాగే గుడికి వెళ్లిన ఆయన.. ప్రార్థన ముగిసిన తర్వాత బాబా విగ్రహం పాదాలపై తల పెట్టాడు. 15 నిమిషాల పాటు అలాగే ఉండిపోయాడు. అనుమానం వచ్చిన భక్తులు అతణ్ని పైకి లేపేందుకు యత్నించగా.. ఎలాంటి చలనం లేదు. దేవాలయ సిబ్బంది.. దగ్గర్లోని ఆసుపత్రికి తరలించగా అప్పటికే మృతి చెందినట్లు వైద్యులు ప్రకటించారు.