ఇకపై హైదరాబాద్‌ నుంచి మాల్దీవులకు నేరుగా

హైదరాబాద్‌: హైదరాబాద్‌ నుంచి మాల్దీవులకు మొదటి డైరెక్ట్‌ విమానాన్ని ఫిబ్రవరి 11 నుంచి ప్రారంభించనున్నట్లు గో ఎయిర్‌ విమానయాన సంస్థ ప్రకటించింది. ఈ మేరకు వారు తమ ట్విటర్‌లో ప్రకటించారు. వారానికి నాలుగురోజులు ఈ సర్వీసులు అందుబాటులో ఉంటాయని వారు తెలిపారు. సోమ, మంగళ, గురు, ఆది వారాల్లో ఈ సర్వీసులు ఉంటాయని పేర్కొన్నారు. పర్యాటకులు హైదరాబాద్‌ నుంచి మాల్దీవుల్లోని మాలెకు నేరుగా చేరుకొనే అవకాశాన్ని కల్పిస్తున్నారు. ఎయిర్‌ బస్‌ ఏ320ని ఈ సర్వీసులకు వినియోగించనున్నట్లు వారు తెలిపారు. ‘‘హైదరాబాద్‌ నుంచి మాలెకు వెళ్లే ప్రయాణికులు తమ ప్రయాణాన్ని ఆహ్లాదకరంగా మార్చుకొనేందుకు అదనపు అవకాశాలు అందిస్తున్నాం.’’ అని గోఎయిర్‌ సీఈవో కౌశిక్‌ తెలిపారు.

ఇవీ చదవండి..

296 యాప్స్‌ నిషేధం

ఆ ట్వీట్ల వెనక కుట్ర ఉంది