392 వాయు మార్గాల్లో బిడ్డింగ్‌కు ఆహ్వానం

దిల్లీ: ఉడాన్‌ 4.1 పథకంలో భాగంగా దేశవ్యాప్తంగా 392 వాయు మార్గాల్లో బిడ్డింగ్‌ను తెరిచేందుకు పౌర విమానయాన శాఖ సిద్ధమైంది. ‘ఆజాదీ కా అమృత్‌ మహోత్సవ్‌’లో భాగంగా ఈ ప్రక్రియ చేపడుతున్నారు. ఈమేరకు ఎన్‌ఐసీ పోర్టళ్లు, బిడ్డింగ్‌ పత్రాలను ఉంచిన విమానయాన శాఖ ఆసక్తిగల విమానయాన సంస్థల నుంచి బిడ్లను ఆహ్వానించింది. ఈ ప్రక్రియకు ఆరు వారాల సమయం పడుతుందని తెలిపింది. ఇప్పటివరకు 4 బిడ్లను విజయవంతంగా నిర్వహించిన కేంద్రం ఇప్పుడు 4.1 చేపడుతోంది. ఈ 4.1 పథకం కింద చిన్నచిన్న విమానాశ్రయాలు, ప్రత్యేక హెలికాప్టర్లు, సీప్లేన్‌ రూట్లను కలపాలని నిర్ణయించింది.