Published : 26 Apr 2021 17:25 IST

వందమంది అతిథులు.. పెళ్లి కొడుకు అరెస్ట్‌

చండీగఢ్‌: జలంధర్‌లో కొవిడ్‌-19 నిబంధనలను పాటించకుండా పెళ్లి చేసుకున్న వ్యక్తిని పోలీసులు అరెస్టు చేశారు. శనివారం రాత్రి ఒక ఆలయంలో జరుగుతున్న రిసెప్షన్‌కి వంద మందికి పైగా అతిథులు పైగా హాజరైనట్లు పోలీసులకు సమాచారం అందింది.  తక్షణమే అక్కడకు చేరుకున్న పోలీసులు పెళ్లి కొడుకును, అతడి తండ్రిని అరెస్టు చేశారు. సదరు వ్యక్తులు వారంతపు కర్ఫ్యూను ఉల్లంఘించారనీ, పైగా కార్యక్రమానకి తమవద్ద నుంచి ఎలాంటి అనుమతులు తీసుకోలేదనీ, జలంధర్‌ డిప్యూటీ కమీషనర్‌ తెలిపారు. పెళ్లి కొడుకు, అతడి తండ్రి మీద భారత శిక్షాస్మృతి సెక్షన్‌ 188 కింద కేసు నమోదు చేశామన్నారు. 

కాగా పెరుగుతున్న కరోనా వ్యాప్తికి అడ్డుకట్ట వేసేందుకు పంజాబ్‌ ప్రభుత్వం వారాంతపు కర్య్ఫూ ప్రకటించింది. మే 30 వరకూ బార్లు, సినిమా హాళ్లు, పార్కులు, జిమ్‌లు, కోచింగ్‌ సెంటర్లు, క్రీడా సముదాయాలు మూసివేయాలని ఉత్తర్వులు జారీ చేసింది. వివాహాలు, అంత్యక్రియలకు 20 మందికి మాత్రమే అనుమతి ఇచ్చింది. దహన సంస్కారాలు మినహా పదిమంది కన్నా ఎక్కువ మందితో జరిగే ఏ కార్యక్రమానికైనా ప్రభుత్వ అనుమతి తప్పని సరిగా తీసుకోవాలని తెలిపింది. ఇదిలా ఉంటే.. ఆ రిసెప్షన్‌కి అంత మంది ఎలా వచ్చారో తనకు అర్థం కావడంలేదని పెళ్లి కొడుకు వాపోతున్నాడు.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని